Ko Ngātoroirangi te tohunga o runga o te waka o Te Arawa mai i Maketū ki Tongariro. Hautūtia ai e ia tōna waka mai i Hawaikī rā anō ki konei ki tēnei whenua atua ki te hou i te rongo o Hawaiki ko te whakarite i tō tātau whenua taka – ko te tikitiki o te mahunga tapu o Papatūānuku. He kawa tōna.
Tae mai nei ia ki te whenua nā ona tīpuna i tapa ko Panamaho. Kei ana karakia e mau tonu nei ki Motuiti ki waho o Tauranga, ko te kāinga o Ngātoroirangi. He whenua atua tētahi tikanga o te ingoa o Panamaho.
Ko te kōrero tēnei mō te whenua atua o Panamaho, ko Aotearoa, New Zealand, Te Ika a Māui. Kei konei e poutamatia ana ki tōna taumata. Kei te ingoa nei o Panamaho te tapu o Ngātoroirangi. Ko tana taenga mai ki te whakarite i te tohu o tana kāwai; ‘tahi ki te whitu mau pūangaanga ko te waru ka noia ki te rangi’. (mō te wheke o Muturangi me ōna ringaringa) Ko te uri a Māuipōtiki te tuawaru. Tae mai nei a Ngātoro ki te whakarite i Hawaikīhou, te whenua hou ka nohoia e tātau. Ko tātau ngā utangarau a Māuipōtiki. Nō Hawaikī rā anō. Nō te kākano i ruia mai rā i Rangiātea. Ko te hua a Whakataupōtiki, nāna nei te kāwai pōtiki i whakatau, ka puta ko tātau. Ko ngā iwi o te whenua tapu nei. Nō Hawaikīnui Hawaikīroa Hawaikipāmamao, Tīhei mauri ora mai i te wheiao ki te aomārama. Koia tātau ngā tamariki a Ranginui rāua ko Papatūānuku. E tūārangi ana. Ko te whai i te hono o te whenua ki te rangi, mai i te rangi heke iho ki te whenua, takoto ake nei. Ko te rapu i te mea ngaro, te whenua tapu ō tātau mātua tīpuna, ko te whenua o Hawaikī.
Ka mau te wehi. Kei konei tātau e noi mai ana i te rangi, e whakatinana ana i te tohu a te matakite o te ao tahito nō tua o tāwauwau aua atu. ‘Tahi ki te whitu mau pūangaanga ko te waru ka noia ki te rangi.’ Tēnā tātau e noirangi mai ana. E mau ana ki te whatu o Ranginui. E mātaki ana i te aroarotapu o Papatūānuku e takoto ake nei. Ko tō tātau ao e huri nei. Ko te aro hā o Papatūānuku, tōna nei tinana.
Tongariroriro te mahunga, tongatiputipu te whenua, mōwainui te kōpū, muamua te tuahiwi, arahīnene te taranga, tongatapu te hū, murinoa te hā, ko Papatūānuku te atua. Ko te tinana o Papatūānuku te atua me ōna motu whenua.
Ko Aotearoa te mahunga o Papatūānuku. Ko te tonga o Te Moananui tōna whenua āhuru. Ko Te Moananui a Kiwa tōna kōpūnui. Ko te pae whenua o Te Moananui tōna tuahiwi. Ko Te Ahitāmau tōna iho whāngai. Ko te tonga o te ao tōna wairua. Ko te raki o te ao tōna hinengaro. Ko Papatūānuku tōna ingoa. Ko Papatūānuku e takoto ake nei.
Ko tō tātau whenua atua te mahunga o Papatūānuku. I ōna tau e waru rau ki muri, ka whakaritea e Ngātoroirangi tōna tikitiki tapu kia kotahi tātau kia tapatahi. Ko tana whakarite he whakatau i te mauri o Te Ahi Tāmau i Te Moananui a Kiwa huri noa. Ki kupu kē, ko te whakawātea i ngā paipa o te kuia kia pai te rere o te ahitapu. Ka rere mai i tōna pito i te motu whenua o Hawaii ki te kōpūnui o te tai o Te Moananui. Whiti ora ai ki tōna mahunga tapu o Te Ika a Māui. Ka uruuru whenua ki te kōpū o Te Ika ki Te Puku rā anō. Ko te iho o te ahitapu e taka ana i te kaunati o te rangi ki te tinana o tana rangatira o Papatūānuku. Ko Te Ahi Tāmau ka rere ki te pupuri i te kōpūnui o Papa i Te Moananui a Kiwa, ā e whāngai ana i te ao huri noa.
Ko Te Kāhui Maunga te tikitiki o te mahunga tapu o Papatūānuku. Ko Matuatemana, Matuatetoa, Matuatetapu, Matuatepono, Matuatehine, Matuatepuhi, Matuatemanawa, Matuatewairua. Nō te ao kohatu ngā ingoa nei, i mau ai i te hīnga o te ika i te wai.
Ko ngā ingoa o ngā maunga kei Te Puku o Te Ika e noho tonu ana, i hurihia e Ngātoroirangi. Ko Ruapehu o te mana. Ko Tongariro o te toa. Ko Taranaki o te tapu. Ko Ngāuruhoe o te pono. Ko Pīhanga o te hine. Ko Tauhara o te puhi. Ko Maungapotahu o te manawa. Ko Pūtauaki o te wairua.
He mea hono i a tātau katoa, te tikitiki o te mahunga tapu o Papatūānuku. Tokitoki katoa tātau huri noa ka tikitikia. E pēnei ana nā te mea he kawa atua te kawa o Rangi me Papa. Kei a rāua te kawa, kei ngā tīpuna te tikanga, kei a tātau te tinana. Ko te tikitikihia o ngā makawerau o Māui, ka timata mai i tō tātau whenua me ngā iwi o te motu. Ka huataki mai i te iwi o Tongariro o Te Kāhui Maunga me ōna tihi o te aroha. Ka huri ki ngā iwi e whakapapa ana ki Te Kāhui Maunga me ōna tihi. Ka huri ki te iwi e aroha ana ki Te Kāhui Maunga.
Nā Horonuku te Heuheu te whakapapa nei o te hononga ki Te Kāhui Maunga, he mea huataki mai i Tongariro. Nāna te whakapapa. E tohu ana i te tāmau o te iwi ki te tikitiki.
Ka rere te tikitiki, o ngā tamariki a Ranginui rāua ko Papatūānuku, mai i konei i tōna mahunga tapu o Aotearoa, ki ō tātau tūākana o te whenua āhuru o Papa ki te tonga o Te Moananui. Ka rere te atuareretahi ki ngā pākeke o te kōpūnui o te wai o Te Moananui huri noa. Atuareretahi ana te kotahi o tātau, ki a Muamua mā, ko ngā mātāmua o tātau, o te Tapawhenua o te kōpūnui, ko te tuahiwi o Papatūānuku. Ko Māuimua o Ahitereiria te tuakana. Ko Māuipae o Amerika ki te tonga. Ko Māuitahā o Asia. Ko Māuiroto o Amerika. Ko Māuiwaho i puta ki waho o te kōpū o Papatūānuku ki Murinoa ko te raki o te ao. Ko Hinauri te tuahine, ko te irawahine o Muamua mā e pupuri ana i te taka o te marama. Ko ngā tūākana ēnei o tō tatau whānau. Ko te whānau o Māui o te kōpūnui o Papatūānuku. Ka tae ki a tātau. Ko te pēpe. Ko te pōtiki tonu a Māui. Kererupe kererupe tūhuruhuru kererupe, rupeiho rupeake rupeanoanō, ko te pūtahinui a Rehua e tangi mākuare ana, aiiii, aiiii, taukuri e, naumai te tiktiki a Taranga.
Tapu tonu ana te ingoa o Ngātoroirangi puta noa ki tēnei tau o te rua mano rua tekau mā whā. Ko te tūāhuroa ia o Panamaho te whenua atua o Papatūānuku. Ko te tikitikihia o ngā makawerau o tōna mahunga tapu. Ko te kotahi o tātau. Tē taea e tātau. Kāore i ō tātau ringa tō tātau kotahi. Ehē. Na, ko te kuhu a ō tātau pākeke o te rangi me te whenua o te ao. Ko te kawa atua ia o Rangi me Papa. Uie tāiki e!
Hei whakaoti i te tikitiki, he tapu nō te aotahito i tukua iho. Hei taputapu mā tātau. He tataupounamu ngā tihi maunga. Ko te tataupounamu o ngā atua o Ranginui rāua ko Papatūānuku. Ko te tataupounamu e kore e hinga. Kei te huna o te tatapounamu ko ā rāua tamāhine. E mau nei te kurawaka o Papatūānuku, ko te wharekura o te irawahine. I noirangitia mai ki mua i te ihu o te tangata kia io. Ki runga i ngā tūāhu atua, ko ngā tihi o Te Kāhui Maunga he tapu he tapu he tapu. Ko te kāinga ai ua ai hau ai marangai o te pītau whakamamaua o Pīhanga Tapairu Ariki te tohu.
Ko te kurahuna ia o Horonuku te Heuheu ariki o Tūwharetoa, ko te take ia o tana hiahia kia tapu tonu ngā tihi katoa o Te Kāhui Maunga. Kei te tihi te tataupounamu o te whakatapairu ariki. Ko te ira wahine. Ko te ira o Papatūānuku nāna te whenua. Ko te ira o Papatūānuku te atua nāna te ao. Papatūānuku mai tō mahunga, Papatūānuku mai tō Ika, Papatūānuku mai tō whenua, Papatūānuku mai tō whānau, Papatūānuku mai ō maunga, Papatūānuku mai ō tikitiki, Papatūānuku mai ō tipua, Papatūānuku mai ō taniwha, Papatūānuku mai ō tamariki, Papatūānuku mai ō pōtiki. Kei te kurawaka o Papatūānuku te huri o te wehenga o te tāne me te wahine..
Hei whakamau i a tātau ki te kawa, he ōatua anō i tukua iho mai. Ko Tuhirangi. Ka rere te mati ki te tuhi i te tuhi a rangi. Ko te reo atua ia o ngā mātua tīpuna. Ka tū iho ko te nui o te rangi, ka takoto ake ko te tūānuku o te papa. Voila, he tohu e noi mai ana i te rangi. Hei titiro hei mātaki mā tātau, mā te whatu o Rangi e whekite ai. Ko te whatumanawa o Ranginui he tuhirangi. Tuhi ana i te aroha te ngākau o Ranginui i tō rāua wehenga ko Papatūānuku. Auē te huamo e kss aue hā! Anei te kawa o tuhirangi. Ko te tuhi tuatahi I O. Ko Ranginui e tū iho nei te rārangi. Ko Papatūānuku e takoto ake nei te papa. He whatitoka te tohu nei. I O. He whatitoka, ehara kē i te kupu. Ka hurihia e ō tātau tohunga o mua te whatitoka nei hei kupu, ka puta ko Io, ka mau atu ki te whatumanawa Māori o te ao karaitiana. Ko te mau o Io hei ingoa Māori mō te Atuakotahi o te Karaitiana. Ā, kia tahito marangahia hei tōna wā o te tika o te pono.
Ko te ihu ka rāiti, ko te ihu ka io, ko te ihu o Ranginui me Papatūānuku. Ko te mauri ka moe i te kohatu, ko te mauri ka moemoeā i te rau, ko te mauri ka oho i te manu, ko te mauri ka noho i te tangata, ko te mauri ka ora i te aroha. Maranga mai ē, te mauri o ngā mokopuna a Ranginui me Papatūānuku. E oho, e oho, e oho e hīhā kss!
He whatitoka te tuhi tuatahi o tuhirangi I O. Ka kotahi te tuhi nei o I O, ka puta te tuhi tuarua o tuhirangi. He whatitoka anō he ao anō. Ka kotahi anō, he tuhi tuatoru. Ka tikitiki anō he tuhi tuawhā. He atua te tapu o ngā tuhi nei nō te ngākau aroha o Ranginui e tū iho nei. Mā tuhirangi e uruuruwhenua ai tātau ki te pito o te ao mārama o Rangi me Papa.
Kia hiramai te tapu atua o tuhirangi, nā nga tohu e whā nei, ō tātau toi huri noa i hanga. Katoa marika. Ko te uhi whakairo o te waka o Te Reporepo, ko te kahu rīnena o te pātakakai o te iwi o Hinanakiuta o Hinanakitai, ko te haeoratū o te wharepuni o Tāpeka ki te papakāinga o Waihi i te mātāpuna o Tūwharetoa. Ko te kōwhaiwhai o matanuku o matarangi o te tāhu me ōna heke. Ko te tukutuku o poutama mā i ngā moko o te tawhā i ngā tarāwhare. Ko te taniko o Taka. Ko te piu o piupiu. Ko te whaka-raka a te mokopuna, he korikori he tākaro he whakaraka, ko te raka o te tataupounamu. Ko te raka o ngā atua ki roto i ngā ringaringa o ngā mokopuna hei tākaro mā rātau. Ko te tapu o Tuhirangi.
Kei te rākautapu o tuawhakarere te kōrero mō Tuhirangi. Ko te rākautapu o Ngāti Tūwharetoa, kei ngā ringa o te Matua o Te Heuheu, hei manaaki i te iwi. Ko Rongomai tōna atuareretahi, ko te atua o Ngātoroirangi i mau mai i tawhiti. E heke ana te tapu o te rākau i tō tātau tipuna nui i a Tūwharetoa te tangata. Nāna, ka ea te matakite a Ngātoro; hei te tuawaru o ngā reanga heke iho, he uri ka puta ki te whakatau i Te Puku o Te Ika i taunahatia ai e ia.
E ono ngā mau o te rākau o Tūwharetoa. He mau atua ngā mau nei kia atuareretahi ai te toa, kia matuatetoa, kia tūwharetoa te matua o te toa. Nā ō tātau atua o te rangi me te whenua ngā mau ringa e ono nei. Ko ngā atua e mōhio tonutia ana. I tōna whakapapa o te maurākau, ko Rongomai o Tāne o te pepeke. Ko Matatū o Tāwhirimatea o te huri. Ko Popotau o Tangaroa o te rere. Huanui whitiapu o Haumiatiketike o te takarangi. Poutama o Tūmatauenga o te mau. Pipitō o Rongo o te whāngai. He whakamārama kē atu anō kei te rākautapu, kia māmā ai te tikitiki o Papatūānuku.
Take ai te rākautapu o Tūwharetoa i tō tātau tipuna i a Tūmatauenga, ko te tuatahi ia o tō tātau kāwai. Ko te kāwai tangata a Tūmatauenga rāua ko Rongowahine. Ko te rākautapu te ora atua o Tūmatauenga. Ko te taputapu ia a tō tātau kāwai nāna tō tātau kāwai i tārei. Ko tō tātau kāwai tangata nā Tūmatauenga me Hine, he kāwai kotahi noa iho nō ngā kāwai huhua o te tangata nā Tāne me Hine. He mau taputapu kia ora te tohu o te kāwai tangata. Ko te kāwai o Tū me Hine, te kāwai i mau ki te tino taputapu he rākau, i tohunga te mau, ka nui te mauri o te ora.
E waru ngā ora o te rākau atua o Tūmatauenga. Kaunatia te rākau kia mau te ahi, koikoitia te rākau kia mau te kai, pīhoretia te rākau kia mau te kākahu, hāpaitia te rākau kia mau te mana, koropupūtia te rākau kia mau te rongoā, tahuna te rākau kia mau te tā, pākurutia te rākau kia mau te waiaita, wānangahia te rākau kia mau te ora. Ko maurākau te kotahi o te tapu o te ora a Tūmatauenga.
Ko Tūmatauenga te atua o te rākau, ko te atua o te pakanga. Ko te pakanga a Tūmatauenga ia kia ora ai tō tātau kāwai kotahi, i waenga i ō ōna tūākana kāwai. Na ko te kāwai pōtiki o Tū. Ko Tongariro maunga a Matuatetoa, ko te taumata o te toa. Ko Ngāti Tūwharetoa te iwi, ko te whare o te toa a Tūmatauenga. Kei a tātau te taputapu a Tūmatauenga i ora ai tātau. Ko Panamaho te kawa o Tūmatauenga, kei tōna tinana, he atuareretahi. Ko te kawa o te toa nohea e ngenge, nohea e pau te hautapu. Kei ngā whakairo o ngā whare tīpuna huri noa, te iro o te kōrero mō te atuareretahi o te tinana. E kotahi ana te rua o koromatua. E kotahi ana te iwi ponāturi i a takarangi. E turi whatia ana kia mau ki te papa. E kaokao ana te tuke. E mahi ana ngā ringaringa. E mau ana ngā matimati. Arara, ko te panamaho mai o te atuareretahi o te tinana. Ko te hua o te hautapu, o te waitapu, o te kirikiritapu, o te ahitapu. Ko Atuareretahi te atua. Ko te ingoa ia o te urupā o tō tātau tipuna o Tūwharetoa ki raro o Pūtauaki, te matua o te wairua o Te Kāhui Maunga. Ā, ko ngā tipua e whā o Rangi me Papa, ko te hau, ko te wai, ko te kirikiri, ko te ahi.
Ko te huanui a Ngātoroirangi i tēnei tau rua mano e rua tekau mā whā, he tikitiki i te mahunga tapu o Papatūānuku. Ko te tikitiki o ana tamariki mokopuna, ko ngā uri o te rangi me te whenua. Koinei te tapu o Ngātoroirangi. Ko te tapu i heke ai ki tōna kāwai mai i te tuatahi o ngā whenua o Hawaikī i nohoia ai e tātau, nō tātau e rapu ana i te whenua atua o Panamaho. Ko Te Ika a Māuitikitiki a Taranga, ko te tikitiki o te mahunga o Papa. Wiiiiii, apakura ana te whenua, tūhera ana te riu o Hawaikī, hua mai ana a Rangiātea. Ka tae mai, ki te kākano.
Ka rere te matire o Tuhirangi, ko te tū o te rangi me te papa o Rangiātea. Ko te tuhi i te pito, ko te tuhi i te ao, ko takarangi ki waenganui e whakawātea ana. He tuhi atua te kākano i ruia mai rā i Rangiātea. He tohu kei roto. Ko ō tātau atua kei te hanga i ngā rārangi o te tuhi nei. Anei te kākano i ruia mai i Rangiātea, ko ngā tohu atua, ko ngā rākau atua, ko ngā tuhi atua. Ko Tūmatauenga o te mau kei te whakatū. Ko Tangaroa o te rere kei te whakawhiti. Ko Rongo o te whāngai kei te whakanui. Ko Tāne o te tika kei te whakatipu. Ko Tāwhirimatea o te wātea kei te whakahuri. Ko Haumiatiketike o te hora kei te takarangi. Ko Whiro o te manatū kei te whakaaomārama. Ko Ruaumoko o te pito kei te whakakaha. Ko ngā ranginui ēnei o ō tātau atua. Ko Ngā Tama a Rangi. He atua ngā rangi nui nei. He mauri kē, he hangarau kē, he māramatanga kē, ko te kākano i ruia mai rā i Rangiātea.
Kei aku rangatira he ao hou e tū mai ana, ko te ao hou i tukua iho ai e ō tātau mātua tīpuna nō maimai. Nō te ao kohatu, nō te ao tahito, nō te ao atua. Ko te pōtiki tātau a Tūmatauenga. Ko te kāwai tangata ia o tō tātau momo, i tohunga te mau ki tana taputapu he rākau kia atuareretahi ai te tipu. Huē ana te tipu. Kua hoki mai nei tātau ki te whakaoti i te kawa atua i timata ai i te tuatahi o tātau. Ko te tikitiki i ngā makawerau o te mahunga tapu o Papatūānuku. Mā te tikitiki nei, ka mau tātau ki te pito o Ranginui rāua ko Papatūānuku.
Ko te tuatoru o ngā ōatua i tukua iho ai, ko te karakia a Ngātoroirangi kia uruuruwhenua ai ki te tapu o Papatūānuku. Ko tana uruuru ki te whenua o Papa, ki te pito o Rangi. Ko te karakia nei he mea tohu i te atuareretahi o te tinana. Ko tana mahi he whakatau ā-kiko i te pito o te tinana, ko te paewhenua o kauhanganui. Ka mutu, ko te mau tonu atu ki te kauhanganui o te tinana, atuareretahi ai. Ko te panamaho o te whenua atua o te tinana. Kia mau kia ita. Ita ita. Ka mau.
‘Ka u ki matanuku ka u ki matarangi, ka u ki tēnei whenua hei whenua. Māu e kai te manawa o tauhou’. Ka hono au ki te whenua, ka hono au ki te rangi, mā te uruwhenua, kia whāngaia e Papatūānuku. Mā te mau o te tinana, ka whati te toka, ka hinga te tatapounamu, ka ao mārama mai te ao atua o Ranginui me Papatūānuku.
Nau mai haere mai ki te tikitiki o Papatūānuku e takoto ake nei. Ko te hua ia a Ngātoroirangi nāna nei te Ahitapu i whakatau. Nāna nei te Kirikiritapu i whakatau. Nāna nei te Waitapu i whakatau. Nāna nei te Hautapu i whakatau. Kia atuareretahi tātau. Kia ora ai tātau katoa huri noa puta noa.
Ngātoroirangi! Ko te aroha ka honoiwairua, ko te aroha ka tāmau i te iwi, ko te aroha ka kotahi i te heru, ko te aroha ka tapu i te kura. E whakahīhī ana mātau ō uri. Heke ana te roimata, heke ana te hupe, rere ana te toto, roa ana te kea.
Naumai haeremai tātau ki te uruuru whenua a Ngātoroirangi. Ko Panamaho te whatitoka. Ki te tikitiki o te mahunga tapu o Papatūānuku. Ko te tatau ia ki te ao mārama. Pikimai kakemai rā. Naumai haeremai. Haeremai! Haeremai!
Vision Ancestral
The expert navigator of Te Arawa canoe from Maketū to Tongariro is our supreme ancestor Ngātoroirangi. He navigated the canoe of Te Arawa from Hawaikī to this fair land in preparation for a unique one-off event with far-reaching effects – the topknot of the head of Papatūānuku Motherearth. This topknot means things.
Ngātoroirangi came to this land named by his ancients Panamaho. His sacred words are held in ritual karakia at Motuiti or Mōtītī a Naki, the small island off the Tauranga coast, and Ngātoroirangi’s home. Panamaho means Land of Creation, amongst other things.
This is the story of Panamaho the Land of Creation, known as Aotearoa, New Zealand, Te Ika a Māui. The ancestral name Panamaho holds the intent of Ngātoroirangi. He came here to fulfil the prophecy of his lineage; ‘tahi ki te whitu mau pūangaanga ko te waru ka noia ki te rangi’, first to the seventh hold to the head, the eighth hangs from the sky. The eighth is the lastborn, the descendant of Māuipōtiki. Ngātoroirangi came to prepare for our arrival. The arrival of the descendants of Māui the lastborn. From Hawaiki. From the seed of Rangiātea. The tribes of the Māori. The people of Sky and Earth, Ranginui e tū iho nei rāua ko Papatūānuku e takoto ake nei. Who navigate the horizon. Where land meets sky. Ever searching for the sacred whenua of Hawaikī.
And here we are, hanging from the sky as the prophecy says. Seeing for the first time through the eye of the sky ko te whatu o Ranginui, the body of his beloved Papatūānuku e takoto ake nei, Motherearth. Ko te aroha o Papatūānuku. The living body of Earth.
Tongariroriro te mahunga, tongatiputipu te whenua
Mōwainui te kōpū, muamua te tuahiwi
Arahīnene te taranga, tongatapu te hū
Murinoa te hā, ko Papatūānuku te atua
The body of Papatūānuku Planet Earth. Aotearoa is the head of Papatūānuku. The idyllic South Pacific is her placenta. The mighty Pacific Ocean is her womb. The Pacific Rim is her backbone. The Ring of Fire is her umbilical cord. The Southern Hemisphere feeds her spirit. The Northern Hemisphere feeds her mind. Planet Earth is her name. Ko Papatūānuku e takoto ake nei.
Our land is the head of Papatūānuku. Eight hundred years ago Ngātoroirangi prepared for her topknot. His preparation was the revitalizing of the Ring of Fire around the Pacific; cleaning the pipes out we could say from her navel centre bellybutton in Hawaii to all points of the ring. And most importantly to her head of Te Ika a Māui. To the centre of the North Island. Her physical umbilical cord of the fire of her body. Her Ring of Fire at once protecting her womb of the Pacific whilst feeding everywhere with her elemental body heat.
The topknot of Papatūānuku is the Mountain Clan
Te Kāhui Maunga
Matuatemana, Matuatetoa, Matuatetapu
Matuatepono, Matuatehine, Matuatepuhi
Matuatemanawa, Matuatewairua
Named by the Ancients when this land was fished up
The mountains still in the Central Plateau were renamed by Ngātoroirangi.
Ruapehu of majesty, Tongariro of warriorship
Taranaki of sanctity, Ngāuruhoe of devotion
Pīhanga of measure, Tauhara of connection
Maungapohatu of heart, Pūtauaki of spirit
The topknot of Earth and Sky prepared for by Ngātoroirangi binds us. All of us. It is a Kawa Atua law of nature, it is on autopilot and in the hands of our ancestors. The bind of our strands, ngā makawerau o Māui, starts in this land with the tribes of our ancestors. It begins with the people of Tongariro of Te Kāhui Maunga. To the people who lineage to Te Kāhui Maunga. To the new people who aspire to Te Kāhui Maunga.
The bind of the children of Sky and Earth moves from her head to our tūākana seniors holding her placenta in the South Pacific, to our kin of her womb of the Pacific. To our elder firstborns of the Pacific Rim holding her backbone. Māuimua of Australia the eldest. Māuipae of South America. Māuitahā of Asia, Māuiroto of America, Māuiwaho who went out of the Pacific to the Northern Hemisphere, sister Hinauri of the female Moon that measures. These are our elders of the Māui family. We are the baby Māuipōtiki the lastborn.
The name of Ngātoroirangi continues to be spoken to 2024. The ancestor who prepares the topknot of us. Kotahitanga. Unity. When we are unable to. Sky and Earth our primordial parents of nature step in. Ko te kawa atua ia o Rangi me Papa. This is the law of Sky and Earth.
To help us topknot, special ancestral gifts are available. Tools. On the peaks of our mountains is The Greenstone Door. This is the Tataupounamu o te ao atua o Rangi me Papa, the unbreakable jade door of nature. It releases their daughters. And their knowledge. Hidden in plain sight by our ancients. On the freezing tips of the mountains where no one is meant to go. Where the sacred female lives like the song says ‘ai ua ai hau ai marangai’. She eats rain, wind and storm. The sacred female Pihanga Whakatapairu Ariki. The peaks hold the topknot of the sacred female. All of them. Starting with Papatūānuku Mothernature. This is her lineage and Kawa law. Her nature knowledge rebalances our modern division of gender.
A measuring tool to keep us on point is available. These are the symbols of Sky and Earth, Rangi and Papa. They are named Tuhirangi, the broken heart of the sky. Here’s how they work. The first symbol is I O. The line is Ranginui the Big Line. The circle is Papatūānuku the Infinite Circle. This ancient symbol is a lock. It is not a word. When the lock was spoken into existence using the written alphabet of the Whiteman, the letters i and o, Skyline and Earthcircle became a word Io. This word became a Christian Māori name for God. The symbol was placed inside heartland Māori christianity for safekeeping in the aroha of the people to be awakened on call.
This is the call. We are the children of Sky and Earth line and circle I O. Io. Awaken.
This first symbol is a lock. It safeguards the doorway to the world of nature of Rangi and Papa. The two lines unlock a second symbol. Then a third. Then a fourth. These symbols are powerful. They topknot our thinking to reset us quickly and safely to nature.
To appreciate the power of these symbols, they produced our artforms. All of them. The whakairo carvings of our canoes, and storehouses and meeting houses. The kōwhaiwhai patterns of the ridgepole and rafters. Tukutuku patterns inbetween spaces on the walls. Taniko weaving patterns, piupiu dye patterns, Games and pastime patterns. Anything with a pattern and adornment. Its artform is derived from these four symbols.
The story of Tuhirangi is held in the holystick wand of our people. The holystick of my mother’s tribe Tūwharetoa in the central plateau of the North Island, is held by the warparty of Te Heuheu, our paramount chieftain, in protection of the people. Its guardian is Rongomai the personal god of Ngātoroirangi. It descends from Tūwharetoa the man who fulfiled the prophecy of Ngātoroirangi, that in the eighth generation after him, his descendant would take the Central Plateau.
The rākautapu holystick of Tūwharetoa has six handgrips. These are the grips required to use the wand of old to optimum capacity. These are the handgrips of our Gods of nature, powers of nature, energy of nature, as we know them. In order, Rongomai of Tāne with the power of curve, Matatū of Tāwhirimatea with the power of spin, Popotau of Tangaroa with the power of flow, Huanui whitiapu of Haumiatiketike with the power of spiral, Poutama of Tūmatauenga with the power of still, Pipitō of Rongo with the power of balance. The holystick holds another level of knowledge to help us bind in the topknot of Papatūānuku.
The rākautapu of Tūwharetoa originates with our ancestor Tūmatauenga the first of our line. The human line created by Tūmatauenga and Rongowahine. It is his godstick of thriving and is the tool of our lineage that created our form. Our human line from Tūmatauenga is one of many. The hallmark of human is the use of a tool. The line of Tūmatauenga and Rongowahine used the best tool, in the best way, to make the best thrive. Stick, holystick, holistic.
The stick does eight things. Rub stick make fire, point stick make food, peel stick make clothes, raise stick make safe, boil stick make well, burn stick make pictures, tap stick make music, teach stick make legacy. Its complete legacy is formally named Maurākau how to hold a stick.
Tūmatauenga holds the wand of the ancients. The first of us who was named The God of War. Our war to live. And be Human. Tongariro mountain is Matuatetoa, the peak of warriorship. Tūwharetoa is its tribe, the house of warriors of Tū. We are the holders of the tool of the firstborn of us Tūmatauenga. Panamaho describes the bodystate of Tūmatauenga. The warrior god of war who never tires. Our ancestral carvings show this body state. Feet are turned in big toes first. Pōnāturi joints are connected to make one through the spiral of takarangi. Knees are bent engaging earth. Elbows chevron engaging midriff. Arms are light and active. Fingers are ignited. This is the atua body of One. When the sacred breath is found, the water centres, the earth moves, the fire ignites. Named Atuareretahi, the final resting place of our ancestor Tūwharetoa. Atuareretahi is the elemental body of nature; the four elements of air, water, earth, fire. Making the fifth, the element of Life. Mauri. Ora.
The bloom of Ngātoroirangi 2024, is the topknot of Papatūānuku Motherearth. It is the topknot of the children of Rangi and Papa. This is the sacred intent of Ngātoroirangi passed down his line from the first Hawaikī of our nomadic travels to find the land of creation. Te Ika a Māuitikitiki a Taranga. The land of the topknot of Taranga. Panamaho Land of Creation cries. Hawaikī opens. Rangiātea blooms. The seed.
The seed sewn at Rangiātea is held in a symbol made by the sacred lines of our atua. These are our atuagods in geometric line form. Ngā tama a Rangi. The sons of Ranginui. These sacred godlines create. They hold a new technology.
Kei aku rangatira, another world awaits us, the world dreamed of and passed down by our ancestors since time immorial. We are the lastborn of Tūmatauenga, the human line of our species who used the best tool in the best way to make the best thrive. We have returned to the head of our Mother Papatūānuku to complete what began when the first of us was born. Our task is to topknot the head of sacred Motherearth of the Land of Creation, Panamaho. It is the topknot of our Ancients, all of them. Our topknot resets us to the centre of Sky and Earth, Nature.
Ngātoroirangi’s final gift to us is his ritual karakia used to enter the sacred core of Motherearth – uruuruwhenua. It is his ritual mantra to enter the placenta of nature, into the epicentre of creation. It is a physical ritual to find the middle of the body, in the navel, in the pito bellybutton. And stay there. This is the warrior bodystate of Atuareretahi. It is to be mastered. By all who can.
Ka u ki matanuku ka u ki matarangi
Ka u ki tēnei whenua hei whenua
Māu e kai te manawa o tauhou
I join earth, I join sky
Via the placenta
Where Motherearth feeds me
This physical body ritual resets us to the heart of nature
Nau mai haere mai ki te tikitiki o Papatūānuku e takoto ake nei. Welcome to the topknot of Motherearth.
Ko te hua ia a Ngātoroirangi nāna nei te Ahitapu i whakatau.
It is the bloom of our ancestor Ngātoroirangi who tamed the fire of us
Nāna nei te Kirikiritapu i whakatau
Who tamed the earth of us
Nāna nei te Waitapu i whakatau
Who tamed the water of us
Nāna nei te Hautapu i whakatau
Who tamed the sacred breath of us
Kia atuareretahi tātau
To centre us back to nature
Kia ora ai tātau katoa huri noa puta noa. For the wellbeing of all. Everyone. Everywhere.
To our ancestor Ngātoroirangi. Tūiti, tūiti, tūiti e, tuituia tuituia tuituia. Ko te aroha ka honoiwairua, ko te aroha ka tāmau i te iwi, ko te aroha ka kotahi i te heru, ko te aroha ka tapu i te kura. We are proud to be your descendants. We are proud to be your lineage. We are proud. Aroha binds the topknot. Aroha secures the bonepin. Aroha makes one with the comb. Aroha makes sacred with the feather.
Naumai haeremai tātau
Ki te uruuru whenua a Ngātoroirangi
Ko Panamaho te whatitoka
Ki te tikitiki o te mahunga tapu o Papatūānuku
Ko te tatau ia ki te ao mārama
Piki mai kake mai rā
Welcome welcome everyone to the central path of Ngātoroirangi. Panamaho the Land of Creation is the entryway to the topknot of the sacred head of Papatūānuku Motherearth. She is the doorway to the world of light of nature.
Welcome
Welcome
Welcome